Me datë 18 Janar moderatorja shumë e dashur për publikun, Arbana Osmani, do të rikthehet në ekran me emisionin “Dua të të bëj të lumtur”. Gjashtë ditë para emisionit, moderatorja ka realizuar një mini-intervistë me ndjekësit e saj në Instastory, për të zbuluar sa më shumë detaje rreth programit.
Një ndër njekësit e ka pyetur nëse ekziston ndonjë arsye, për të cilën Arbana do të hiqte dorë nga “Dua të të bëj të lumtur”. Moderatorja ka treguar se do të zgjidhte dicka tjetër nëse nuk do t’i falte më emocion programi ama nuk do e linte kurrë në gjysmë.
“Nëse nuk do më falte më emocion, do të zgjidhja diçka tjetër por nuk do lija kurrë ne mes diçka për aq kohë sa e kam marrë përsipër”, shkruan Arbana.
