Ju kemi folur shumë për vlerat e frutit të boronicës dhe sot thamë të ndanim me ju një recetë ëmbëlsire. Një kek me boronica dhe vaj ulliri është ajo çfarë ju duhet për të rregulluar shijen dhe surprizuar familjen.
Përbërësit:
- 4vezë,
- 2 gota miell,
- 1 gotë sheqer,
- 2/3 gotë vaj ulliri,
- 1 gotë kos,
- 1 lugë kafeje pluhur pjekje,
- 1 vanilje,
- 1/2 gotë boronica.
Përgatitja:
Përzieni sheqerin me vezët, i shtoni vajin dhe kosin. Më pas hidhni miellin, pluhurin e pjekjes dhe vaniljen. E hidhni masën në formën e kekut dhe në fund i shtoni nga sipër boronicat.
Piqeni në 180 gradë, 30 minuta. Provoni pjekjen me thikë. Nëse thika del e thatë është gati. E lini të ftohet pak dhe mund ta shërbeni dhe me një kupë akullore!
