Lajme
Vijon përhapja e koronavirusit në Europë, shënohen rastet e para në Danimarkë, Norvegji dhe Estoni
Koronavirusi po vazhdon të përhapet me shpejtësi në të gjithë botën. Së fundmi Danimarka, Norvegjia dhe Estonia janë vendet që njoftojnë rastet e tyre të para.
Rasti i parë në Danimarkë është një burrë, i cili u kthye nga pushimet dimërore në veri të Italisë, tha autoriteti danez shëndetësor. Burri u la i izoluar në shtëpinë e tij.
Ndërsa në Estoni i infektuari i parë është një person, i cili u kthye nga Irani. Sipas mediave estoneze ai vetë është me kombësi iraniane.
Pacienti në Norvegji u testua pasi u kthye nga njëra prej zonave të prekura nga koronavirusi në Kinë.
Instituti Shëndetësor e konsideron rrezikun e infeksionit nga individi si shumë pak të mundshëm.
Burimi: Aljazeera | Përshtati dhe Përktheu: JOQ ALBANIA