Zbulohet lidhja e Agnesa Vuthajt me miliarderin indian 23 vite më i madh

Ish-Missi, Agnesa Vuthaj jetën private është munduar ta mbaj gjithmonë larg publikut, por sot mediat kanë zbuluar se bukuroshja është në një lidhje.

“Magazina.al” ka mësuar se Agnesa është në një lidhje me biznesmenin indian, Chetaan Sandesara, 57 vjeç dhe thuhet se Missi është shumë e lumtur. “Magazina.al” bën të ditur se miliarderi indian ka biznese në shumë vende të botës e në mesin e tyre edhe në Dubai. Pikërisht në Dubai Agnesa dhe Chetaan janë njohur bashkë. Tani biznesmeni jeton në Nigeri vend ky që është vizituar nga bukuroshja shqiptare.

Sot është publikuar edhe një video nga aeroplani privat i biznesmenit, ku Agnesa shihet duke xhiruar biznesmenin indian dhe duke i thënë “Thuaj diçka” në gjuhën angleze.

Në fillim të vitit 2019, ishte pikërisht Agnesa Vuthaj ajo që i kishte mundësuar një takim biznesmenit indian në zyren e kryeministrit Ramush Haradinaj. Thuhet gjithashtu se miliarderi ka probleme me policinë.

Chetaan, i dashuri i modeles kosovare tani është në biseda për të blerë një nga hotelet më të njohur në Tiranë dhe burime të sigurta për “Magazina.al” kanë treguar se ky biznes do të mbetet në emrin e Agnesa Vuthajt.