Konfirmohen rastet e para me koronavirus në Zvicër dhe Kroaci

Zvicra ka konfirmuar rastin e parë të koronavirusit.

I ifenktuar është një burrë rreth të 70-ave, i cili ishte kthyer nga Milano.

Testet laboratorike të kryera zbuluan rastin në rajonin e Ticinos. Bëhet me dije se i moshuari ishte prekur nga koronavirusi më 15 shkurt, pasi kishte qenë në një event në Milano.

Simptomat e para u shfaqën dy ditë më vonë, shpjegoi drejtori i Zyrës Federale të Shëndetit Publik (FOPH), Pascal Strupler.

I infektuari është izoluar në spitalin e Ticinos, ndërsa gjendja e tij shëndetësore paraqitet optimale.

Sipas FOPH, të gjithë personat që kanë qenë në kontakt me të do të testohen dhe vendosen në karantinë, ndërsa gjendja e tyre do të monitorohet për 14 ditë.

Deri më tani, në Zvicër janë testuar 300 raste të dyshuara të Covid-19, por përgjigjet kanë rezultuar negative. Autoritetet zvicerane kanë marrë masa parandaluese për përhapjen e koronavirusit.

Ndërkohë, rasti i parë i koronavirusit është konfirmuar edhe në Kroaci.

Lajmi u dha nga kryeministri kroat, Andrej Plenkoviç, i cili tha se pacienti është shtruar në spitalin e Zagrebit.

Ai është në karantinë, ndërsa gjendja e tij është e mirë për momentin, njoftoi Plenkoviç në një konferencë për shtyp.

Kujtojmë këtu që bilanci total i vik timave të shkaktuara nga koronavirusi ka shkuar në 2,707, ndërsa numri i të prekurve ka kaluar shifrën e 80,000 personave.

Mbi 27 mijë persona janë rikuperuar nga koronavirusi dhe kanë arritur ta mposhtin virusin vde kjeprurës.

Burimi: Swiss Info & National Post|Përktheu dhe Përshtati: JOQ Albania