Ndodh mrekullia në Kinë, 98-vjeçarja shërohet plotësisht nga koronavirusi

Teksa e gjithë bota është mbërthyer nga frika prej koronavirusit, një lajm i mirë ka ardhur nga Kina.

Mediat kineze shkruajnë se një 98-vjeçare e infektuar me koronavirus, ka lënë spitalin ku ishte shtruar që prej 13 shkurtit.

Hu Hanying është pacientja më e vjetër, e cila ka arritur ta mposhtë virusin vde kjeprurës kinez.

Ajo ndodhej në spitalin Lieshenhan të Wuhanit bashkë me të bijën e saj, 55-vjeçare, e cila gjithashtu ka arritur të shërohet plotësisht nga virusi.

Në foton e bërë virale në rrjet, 98-vjeçarja shihet duke dalë me karrocë, e shoqëruar nga disa persona, ndërsa në fytyrë mban një maskë.

Rasti i Hanying është një shpresë për shumë të infektuar nga koronavirusi, i njohur ndryshe edhe si Covid-19.

Drejtori i spitalit tha:

Shërimi i saj do t’u japë besim dhe kurajo pacientëve të tjerë që vazhdojnë të marrin trajtim mjekësor.
Duhet theksuar se shumica dërrmuese e viktimave nga koronavirusi kanë qenë persona të moshuar.

Autoritetet kineze theksojnë se përqindja e pacientëve të shëruar nga koronavirusit po vijon të rritet, duke arritur në 52.1%.

Megjithatë, jo çdo gjë duket pozitive. Ministria kineze e Shëndetësisë ka konfirmuar këtë të dielë 573 raste të reja me koronavirus.

Ky është numri më i lartë i të infektuarve brenda një dite që nga java e kaluar.

Deri më tani në Kinë janë regjistruar në total 79,824 të infektuar me koronavirus, ndërsa 2,870 të prekur kanë hum bur je tën.

Burimi: El Mundo|Përktheu dhe Përshtati: JOQ Albania