Rekord në Durrës/ 12 raste të reja të infektuarish në 24 orë, 11 prej tyre të së njëjtës familje

Ministria e Shëndetësisë ka njoftuar sot një shtim të rasteve të të infektuarve me koronavirus në qytete të ndryshme të Shqipërisë ndërsa duket se emergjente situata paraqitet në qytetin e Durrësit.

Deri dje u raportuan 14 raste me të infektuar me koronavirus, ndërsa sot ministria e Shëndetësisë ka deklaruar se ka shkuar në 26 numri i të prekurve në Durrës pra 12 raste më shumë se një ditë më parë.

Nga burimet bëhet me dije se 11 nga 12 personat e rezultuar pozitiv janë të së njëjtës familje por fatmirësisht janë në gjendje të qëndrueshme shëndetësore.

Këta 11 persona të infektuar kanë lidhje me 71-vjeçarin e identifikuar dy ditë më parë. Ndërsa rasti i 12-të në 24 orët e fundit, është rast i ri.

Po ashtu harta e të infektuarve me Covid-19 në Shqipëri, është zgjeruar më tej në Tiranë, Shkodër, Mirditë dhe Shkodër.

Shpërndarja gjeografike e rasteve pozitive:

– Tiranë 129 raste

– Durrës 26 raste

– Lushnje 4 raste

– Elbasan 5 raste

– Fier 23 raste

– Kavajë 4 raste

– Rrogozhinë 2 raste

– Korçë 15 raste

– Vlorë 5 raste

– Shkodër 8 raste

– Lezhë 5 raste

– Berat 1 rast

– Has 2 raste

– Krujë 5 raste

-Tropojë 4 raste

– Pukë 3 raste

– Mirditë 2 raste