Lajme
Shi dhe dëborë/ Moti kthen faqe, ja çfarë na pret në fundjavë
Duke filluar nga kjo fundjavë, pritet ndryshimi i kushteve meteorologjike.
Shërbimi Meteorologjik Ushtarak parashikon se ditën e Shtunë do të mbizotërojnë vranësirat dhe reshjet e shiut me intensitet të ulët në pjesën më të madhe të vendit. Në Veriperëndim reshjet do të jenë me intesitet deri mesatar. Në zonën e Alpeve reshjet do të konvertohen në reshje bore në orët e mbrëmjes.
Ditën e Diel, kryesisht në pjesën e dytë të ditës reshjet e shiut do të jenë prezente në të gjithë territorin me intesitet deri mesatar, ndërsa në zonat malore në lartësinë mbi 900 metra reshjet do të jenë në formën e dëborës.
Era do të jetë nga kuadrati i Jugut me shpejtësi mesatare deri në 7 m/sek, e përgjatë vijës bregdetare hera-herës fiton intesitet deri në 18 m/sek.