Lajme
Tubimi i Metës, thirrja e fortë e aktorit: Kush është burrë, sot çohet!
Neritan Liçaj është një nga artistët i cili ka dalë hapur në mbështetje të tubimit që do të mbahet sot në orën 17:00, i thirrur nga Presidenti Ilir Meta.
Lidhur me tubimin ai i ka bërë thirrje sot të gjithë qytetarëve që të dalin për të mirën e tyre.
Përmes një statusi në Facebook Liçaj shprehet se ai që e ndjen veten i ri del në shesh ashtu sikur në vitin 1990.
Kujtojmë se Liçaj është edhe një nga mbrojtësit më të flaktë të kauzës për Teatrin Kombëtar. Në mbështetje të tubimit kanë dalë edhe shumë personazhe të tjerë njohur të cilët theksojnë se do të jenë të pranishëm në bulevardin “Dëshmorët e Kombit”
Ai bën thirrje:
Kush është burrë, sot çohet! Kush është zonjë, sot del për të ardhmen e fëmijëve të saj, që të mos i ikin nga vatra! Kush është i ri, sot del si në 1990-ën!