Lajme
Turqia s’gjen qetësi, një tjetër tërmet go det pjesën perëndimore të vendit
Pas tërmetit të fuqishëm me magnitudë 6.8 sipas shkallës Rihter, që goditi mbrëmë Turqinë, toka në këtë shtet vijon të dridhet.
Tërmeti i djeshëm u regjistrua në zonën e Elazig-ut, në Turqinë Lindore, ndërsa vetëm pak minuta më parë, një tjetër tërmet ka go ditur pjesën perëndimore të vendit.
Sipas EMSC, tërmeti i rradhës u regjistrua 14 km në veri të qytetit Akhisar dhe 92 km në verilindje të Izmirit, rreth orës 18:49.
Magnituda e këtij tërmeti ka qenë 4.3, ndërsa nuk raportohet deri më tani për dëme materiale dhe persona të lënduar.
Po ashtu, në zonën e Elazigut vijojnë pasgoditjet. Pak minuta më parë u regjistrua një lëkundje e fortë me magnitudë 5.1 dhe dy të tjera me magnitudë 4.4.
Kujtojmë këtu se nga tërmeti i djeshëm në Turqi, deri më tani janë shuar paktën 22 persona, ndërsa mbi 1 mijë të tjerë rezultojnë të pla gosur.
Gjithashtu, autoritetet turke kanë njoftuar se ka ende shumë qytetarë që kanë mbetur të bllokuar nën rrënoja, të cilët po nxirren nga ekipet e kërkim-shpëtimit.