Lajme
Vetëm pak ditë pas ndarjes, Romeo dhe Jonida nuk rrinë dot larg njëri-tjetrit
Romeo Veshaj dhe Jonida Maliqi ishin padyshim një nga çiftet më të pëlqyer nga publiku e kjo vihet re lehtë nga interesi i madh që të gjithë kishin për lidhjen e tyre. Mirëpo fare papritur në fillim të këtij viti, Jonida e deklaroi veten single. Nga ana tjetër edhe Romeo i kaloi pushimet e Vitit të ri me shoqërinë, gjë që konfirmoi në një farë mënyre që ata nuk ishin më bashkë.
Megjithatë mesa duket Romeo dhe Jonida nuk rrinë dot larg njëri-tjetrit, pasi edhe postimet që bëjnë në Instagram i kanë të njëjta. Ishte Jonida ajo që postoi në fillim një foto ku shfaqej një personazh filmash ‘Deadpool’ dhe Harley Quinn, bashkëngjitur me një thënie për shoqërinë.
Pak më vonë edhe Romeo postoi një foto ku shfaqej po i njëjti personazh, por këtë herë aktori tregoi edhe se ka kapur orën 9:09 duke lënë të kuptohej se dikush po e mendonte.