Spanja ka shënuar numrin më të lartë të viktimave për një ditë që prej shpërthimit të pandemisë. Në 24 orët e fundit 849 persona kanë humbur jetën për shkak të koronavirusit.
Numri total i viktimave në Spanjë ka shkuar 8189, sipas Ministrisë së Shëndetësisë.
Numri i rasteve të konfirmuara është rritur gjithashtu në 94,417.
Spanja ka numrin e dytë më të lartë të viktimave pas Italisë, ku më shumë se 11,000 njerëz kanë vdekur.
Më shumë se 5,600 njerëz aktualisht kanë nevojë për kujdes intensiv ndërsa 20,000 pacientë janë shëruar në Spanjë.
