Analisti i njohur Andi Bushati ka reaguar pas deklaratës së ambasadores amerikane Yuri Kim, e cila teksa pa flamurin amerikan në tubimin e organizuar nga Presidenti Meta, nxitoi të thoshte se Amerika nuk kishte lidhje me atë manifestim.
Bushati thotë se amerikanët shqetësohen kur një palë manifeston me flamurin amerikan, por nuk shqetësohen për deklaratat e Edi Ramës.
Rama flet në emër të SHBA-së dhe deklaron se atyre që prishin zgjedhjet do u hiqet viza, por askush nuk reagoi se kjo deklaratë nuk kishte lidhje me ta.
Lidhur me këtë situatë Bushati duket skeptik tek ai që e quan “arbitri” i pavarur.
Bushati shkruan:
Shqetësohen se njëra palë manifeston me flamurin amerikan dhe nuk shqetësohen kur kryeministri flet në emër të SHBA, se ata që i prishin zgjedhjet monopartiake, do i ndalohet hyrja në Amerikë…vazhdoni besoni tek arbitri i pavarur.
Kujtojmë se dje me mijëra qytetarë dolën në bulevardin “Dëshmorët e Kombit”, pas thirrjes që Presidenti Ilir meta bëri për mbrojtjen e Kushtetutës.
