Ah amerikanët dhe nevoja e tyre e pamposhtur për të festuar festën më të afërt një muaj para. Nëse kostumet e Halloween-it mendohen që ditën e parë të tetorit, Festa e Falenderimeve planifikohet ditën e parë të nëntorit, Krishtlindja nis të kremtohet që në fillim të dhjetorit dhe zgjat deri në fillim të janarit.
Festa më e afërt është Shën Valentini, më 14 shkurt. Atyre s’u duket aspak i çuditshëm kalimi nga 10 janari në 14 shkurt dhe kështu pema e Krishtlindjes gjeti një përdorim të ri.
Në vend të dekorimeve të kuqe dhe të arta, pemët po dekorohen me toptha rozë, zemra të vockla, deklarata dashurie, lule dhe engjëj.
