Diabeti është një problem serioz shëndetësor i cili ndodh kur trupi nuk mund të prodhojë ose të përdorë siç duhet insulinën. Gjendja zakonisht trajtohet me marrje në bazë ditore të insulinës në mënyrë që të rregullohet niveli i sheqerit në gjak.
Ai është i vështirë për t’u trajtuar, por duhet të dini se ka shumë përbërës natyralë që janë një zgjidhje shumë e mirë për këtë sëmundje. Natyrisht, jo të gjitha trajtimet e vjetra janë të sigurta, por efekti i tyre në pjesën më të madhe është mahnitës. Sipas ekspertëve, ndryshimet në mënyrën e jetesës janë gjëja më efektive kundër diabetit.
Por, ‘Shoqata Evropiane për Studimin e Diabetetit’, ‘Shoqata Kanadeze e Diabetit’ dhe ‘Shoqata Amerikane e Diabetit’ kanë rekomanduar një kurë tjetër, e cila konsiston në konsumimin e bishtajoreve. Sipas tyre, ato janë një mënyrë shumë e mirë për të kontrolluar nivelin e sheqerit në gjak.
Sipas një analize të 41 studimeve në Kanada që përfshinin më shumë se 1000 pacientë, bishtajoret rezultuan shumë të efektshme në mbajtjen e sheqerit në gjak të qëndrueshëm. Sidoqoftë, disa prej llojeve të bishtajoreve ishin më efektive.
Kështu, qiqrat dhanë rezultate të mira, ndërsa fasulet me pika të zeza ishin shumë më efektive se fasulet e thjeshta.
Fasulet janë efektive kundër diabetit pasi ato përmbajnë komponime që bllokojnë tretjen enzimatike të amidonit në trup, duke lejuar që niseshteja të shkojë në zorrë të trashë dhe të ushqejë bakteret e dobishme të tyre.
