Ditën e djeshme reperi i njohur Stresi publikoi në profilin e tij të Instagramit një pjesë nga kënga e tij e re, e cila pritet të dalë këtë të premte. Kënga titullohet “Zemrën maje” dhe është aluduar të jetë dedikim për Kejsin.
“Thonë se dashuria është një lojë e humbur, unë besova n’dashuri kur isha adoleshent shumë i humbur… T’ harrosh dikë që e ke dasht është njësoj sikur mos me e pas njoft asiher..”, shkruante reperi krahas videos së publikuar, të cilën e fshiu më pas. U tha që është dedikim, po Kejsi ç’mendim ka?
Ajo e ka shpërndarë këngën e Stresit në profilin e saj të Instagramit. “Fjalët përbrenda po i mbaj”, ka shkruar bukuroshja krahas postimit. Vallë çfarë po ndodh mes dyshes? Që ende ruajnë respekt për njëri-tjetrin kjo është e qartë, por a janë sërish bashkë? Kjo mbetet për t’u parë në ditët në vazhdim.
