Dy produktet më të përdorura në mjekësinë popullore janë mjalti dhe kanella, pasi kur ata bashkohen, kanë veti të fuqishme anti-inflamatore që luftojnë radikalet e lira, rrisin sistemin imunitar dhe trajtojnë disa sëmundje.
Ja çfarë sëmundjesh trajton dhe parandalon kombinimi i mjaltit me kanellë, shkruan shije:
Artritin
Mjalti dhe kanella janë të pasura me kalium dhe elementë të tjerë që trajtojnë inflamacionin. Përzieni 2 lugë mjaltë me 1 lugë kanellë pluhur dhe aplikojeni në zonat e prekura nga artriti duke i fërkuar për disa minuta. Ju mund ta hani këtë masë çdo mëngjes dhe mbrëmje për të pasur rezultate më të shpejta dhe efektive.
Alergjinë
Mjalti dhe kanella rrisin sistemin imunitar dhe e bëjnë atë më të fortë kundrejt baktereve dhe viruseve. Pini 1 gotë ujë të ngrohtë çdo mëngjes me mjaltë dhe kanellë për të parandaluar alergjitë.
Sëmundjet e zemrës
Sipas një studimi të bërë në Amerikën e Veriut u konstatua se kanella ndihmon në rritjen e fleksibilitetit dhe fuqisë së arterieve. Mjalti dhe kanella e kombinuar së bashku zhbllokojnë arteriet e bllokuara, të cilat janë një nga shkaqet kryesore të sëmundjeve të zemrës.
Diabetin
Hulumtime të shumta kanë treguar se kanella zvogëlon nivelin e sheqerit në gjak ndërsa mjalti balancon nivelin e kolesterolit të keq dhe të mirë. Të dy këto probleme shëndetësore ndikojnë në shfaqjen e diabetit, prandaj një gotë ujë me mjaltë dhe kanellë do t’ju ndihmonte të parandalonit diabetin.
Të ftohurat
Mjalti dhe kanella kanë efekte të fuqishme antibakteriale dhe antivirale. Kombinimi i këtyre përbërësve qetëson simptomat e të ftohurës, lehtëson dhimbjet e fytit dhe lehtëson kollën.
