Ndërsa numri i të infektuarave me koronavirus rritet, rastet e evidentuara tek fëmijët janë jashtëzakonisht të rralla.
Një ekspert pediatër i sëm undjes infektive në spitalin e fëmijëve Mott në Universitetin e Miçiganit, Terri Lynn Stillwell tha:
Kemi studiuar rreth 75,000 raste totale por po raportohet se vetëm rreth 100 raste janë pediatrike. Deri më tani, duket se më shumë se 80% e infeksioneve janë goxha të lehta, jo më të rënda se të ftohtit e zakonshëm. Dhe fëmijët duket se kanë edhe infeksione më të lehta se sa të rriturit. Kjo bazohet edhe në të dhëna paraprake.”
Ai tregon për gjetjet e një studimi të botuar në JAMA. Studiuesit në Wuhan, Kinë, identifikuan nëntë foshnje të shtruara në spital, të cilët ishin diagnostikuar me COVID-19 pasi ishin infektuar nga një anëtar i familjes.
Ata ishin nga mosha një muajsh në 11 muajsh. Studiuesit dokumentuan simptomat e tyre. Ata zbuluan se katër nga foshnjat kishin ethe dhe dy shfaqën kollë por asnjë prej tyre nuk shfaqi komplikime.
Deri më tani, duket se virusi ka më shumë të ngjarë të infektojë të moshuarit, veçanërisht njerëzit me probleme shëndetësore kronike.
Dhe ata që kanë vd ekur nga virusi në Kinë kanë tendencë të jenë shumë më të vjetër, me një moshë mesatare në të 70-tat.
Burimi: npr.org Përshtati dhe Përktheu: JOQ Albania
