Shumë personazhe të njohur u sensibilizuan pas tërmetit të 26 Nëntorit, duke ofruar ndihmën e tyre. Mes tyre dhe motra e këngëtares shumë të dashur për publikun, Elvana Gjatës. Migena, e cila është soprano dhe jeton në Gjermani, ka njoftuar se do të organizojë një koncert bamirësie për të ndihmuar të prekurit nga tërmeti.
Koncerti do të mbahet më 2 Shkurt në Dusseldorf. “Është koha që ne që i shpëtuam tërmetit, t’iu vijmë në ndihmë atyre që nuk munden të ndihmojnë veten në këto momente”, shkruan mes të tjerash Migena në një postim të bërë në profilin e saj të Instagramit.
