Shumë pallate dhe banesa vijojnë të mbeten të shkatërruara që nga tërmeti i 26 nëntorit, ku ende nuk ka filluar puna me rindërtimin e tyre. Kështu ka ndodhur edhe në një pallat në lagjen 18 në Durrës.
Një qytetar ka denoncuar rastin pranë redaksisë së JOQ Albania si dhe ka dërguar disa pamje të pallatit të bërë copë-copë nga lëkundja e fortë.
Ai shkruan se askush nuk e ka marrë mundimin që të vijë të shikojë se në çfarë gjendje është pallati. Qytetari vijon duke theksuar se nga kati i 5-të deri poshtë janë shkatërruar të gjitha hyrjet.
Më tej, apelon edhe për ndihmë dhe shton se ndodhen në qiell të hapur së bashku me fëmijët e vegjël.
Mesazhi i qytetarit:
Pershendetje jam nje banor i lagjes 18 ne Durres kemi nje hall .Ju lutem a mund tna ndihmoni duke e shfaqur kete video sepse nuk e ka marr mundimin asnji te vij e te shofi se ne cfare gjendje eshte pallati jone .Nje Zot e di sesi kemi dal me date 26 nentor eshte shkatrruar totalisht nga kati i 5 e posht ju lutem na ndihmoni duke e publikur jemi ne mes te kater rrugeve me femij te vegjel
