Ndonëse emri i saj është komentuar shumë në media që prej Festivalit të Dhjetorit, Vera Grabocka zgjodhi të heshte. Asokohe u përfol se mes producentes dhe Alketa Vejsiut kishte patur një debat të ashpër, që i kishte dhënë fund miqësisë së tyre disa vjeçare.
Zërat u shtuan kur Alketa shkoi në “Sanremo” e nuk mori një urim nga Vera Grabocka, publikisht.
Mbrëmjen e sotme në TV Klan nisi “Në kurthin e Piter Pan 3” dhe Grabocka me këtë rast vendosi t’i thotë disa fjalë për Alketën. Producentja postoi një foto të tyre bashkë, të realizuar sot, duke i dhënë fund thashethemeve për prishje të miqësisë dhe e uroi për sukseset që ka arritur.
“20 vjet bashke. Jam e lumtur se ylli që pashe te ty ditën e parë ,kur ishe vetem 16 vjeç, sot shkëlqen dhe jo vetëm në Shqipëri, por nisi të shfaqet si befasi në skenën e një bote më të madhe… Është talenti dhe vullneti tënd unik që ke arritur në këtë majë..! Për të gjitha sukseset e tua në botën e spektakleve televizive…dhe për ty, si artiste dhe kolege e denjë dhe e çmuar, jam e lumtur pa fund!”, shkruan Grabocka.
