Si pasojë e alarmit për përhapjen e Koronavirusit, Italia ka vendosur të mbyllë shkollat dhe universitetet, deri në mes të muajit mars.
Vendimi i marrë u bë publik gjatë një takimi në Palazzo Chigi.
Zyrtarizimi i këtij vendimi do të bëhet brenda ditës së sotme të paktën kështu ka deklaruar ministrja italiane e arsimit, Lucia Azzolina.
Vendimi i qeverisë për mbylljen e shkollave dhe universiteteve, mbështetet në mendimin e komisionit shkencor i cili tashmë ka rekomanduar që po ashtu edhe aktivitetet sportive të pezullohen për një muaj.
Njoftimi zyrtar ndoshta do t’i besohet Kryeministrit, Giuseppe Conte, me një dalje publike.
Hipoteza e hedhur për mbylljen e shkollave dhe universiteteve pati reagime të menjëhershme politike, duke filluar nga udhëheqësi i Lidhjes.
Salvini, e ka quajtur të domosdoshëm dhe urgjent aprovimin e këtij vendimi.
