Janë shëruar plotësisht nga koronavirusi edhe 15 pacientë të tjerë në Shqipëri.
Lajmi është dhënë nga kryeministri Edi Rama, i cili përmes një postimi në Facebook ka njoftuar shërimin e 15 pacientëve të tjerë në 24 orët e fundit.
Tashmë, numri i personave të shëruar plotësisht nga Covid-19 në vend ka shkuar në 67.
Kujtojmë këtu që sot u konfirmuan 20 raste të reja me koronavirus, duke e çuar totalin në 243.
Fatkeqësisht, gjatë ditës së sotme humbën jetën tre persona nga koronavirusi, duke e çuar numrin total të viktimave në 15.
