30 mjekë shqiptarë shkuan dje në Itali për të ndihmuar në luftën kundër koronavirusit. Mediat italiane bëjnë të ditur se ish-ministri i Brendshëm italian Matteo Salvini ka telefonuar kryeministrin Edi Rama duke e falenderuar për ndihmën.
Salvini është shprehur se Italia nuk do t’ja harrojë këtë të mirë Shqipërisë.
“Një falenderim për popullin shqiptar dhe qeverinë e tij, që duke dërguar mjekët dhe infermierët kanë demonstruar një ndjeshmëri dhe një bujari që nuk do ta harrojmë” tha Salvini. Ai i ka premtuar kryeministrit Rama se kur të mbarojë emergjenca do të bëjë një vizitë në Shqipëri.
